نكات من عجاب الدنيا السبعه بالعراق الخباثه

جريده بالناصرية نشرت صورة واحد يعبّر فد أعمى الشارع، كتبوا جواهه (متى تنتهي هذه الظاهرة؟)

شيخ جامع من الناصريه قرر يسوي محاضره للعميان عنوانهه: نعمة البصر.


واحد ناصريه گل لحرامي علمني البوگ واعلمك النذاله... الحرامي باگ محفظه گدامه گلله شوف شلون ابوگ .. يلله علمني خباثه... الناصريه گام يصيح: حرامي.... حرامي...

ناصرية صوّر الدفن مال ابوه بالفيديو.. كل شويه يراويه لأمه.
أمه همينه عالعناد كلما تشوف الفلم تگوم تتحمر وترگص.

ناصريه گل لمصلاوي: إش تتمنه؟ گال: يموت أبويه وأورثه؟؟ وإنته؟؟ گال: يندعم أبويه ويموت حته همينه الورث وهمينه الفصل.

ناصريه يوصي ولده: ما أوصيكم بالخباثه ويلادي ...الخباثه الخباثه.. ثم الخباثه. گالوله: ولايهمك... لمن مات ذبوا جثته بالزباله.

تلاثه من الناصريه رادوا يبوگون بنك، فقسموهه بيناتهم: واحد يبوگ و واحد يراقب ........ وواحد يروح يبلغ الشرطة.


واحد ناصريه... طرده أبوه من البيت... كتب عالباب: مقر حزب الدعوه الرئيسي.


واحد ناصريه لگفله رقم موبايل مال جني..گام كل شويه يدزله مسج (بسم الله الرحمن الرحيم).

واحد ناصريه ببرنامج طلبات الاغاني گال: وأهديها الى صديقي بمناسبة وفاة والدته

واحد من الناصريه إشتغل مدير دار الأيتام..گاللهم راح أسوي أجتماع مجلس الآباء

واحد من الناصريه سوه حفلة زواج.. وزع بطاقات بيهه الجمره الخبيثه.

ناصريه فتح شركة بيبسي كتب عالبطل: رج القنينه جيداً قبل الاستعمال.

واحد ناصريه أتصل بيه جورج قرداحي ، گال له: معنا صديقك وصل نصف مليون ريال ومحتاج مساعدتك گال : گل له نايم.

ناصريه دخل بالشته يبوگ فد بيت ، ما لگه شئ بس لگه عجوز أمگرمه وبردانه ومتلحفه باللحاف.. گام فتح المكيف عله أعلى درجه وطلع .


واحد ناصري سكن بالنجف، يوميه يإخذ المسجل مالته ويروح للمگبره، يفتر بين الگبور إمعلـّي صوت المسجل على اغنية (الحياة حلوة).

واحد من الناصرية إسمه رزق الله.... صار عنده ولد سماه گاطع.

واحد ناصري ديموت.. بآخر نفس ويوصي ولده بالخباثة... أخير شي راد يتشاهد، گام الزغير سد حلگه.

ناصريه شاف واحد يصيح: راح أغرگ الحگلي يمعود ... گاله: أخي هذا يومك وهذي إرادة رب العالمين... تعذرني

قاضي بالناصرية حكم على أحول يلظم أبر خياط مؤبد.

فقير جوعان گال لواحد ناصريه أنطيني أي شي آكله جزاك الله خير.. گام إنطاه فاتح شهية